Zero o'clock 🕛

 00:00 - Zero o'clock 

ඔබේ ජීවිතයේ හැම දවසක්ම එකවගේද?? ගොඩක් අය දෙන පිළිතුර වෙන්නේ ' නෑ ' කියන එකයි.. ඔව් අපේ ජීවිතයේ හැම දවසක්ම එකවගේ නැහැ.. සමහර දවස් ගොඩාක් සතුටු හිතෙන දවස්... තවත් සමහර දවස් තියෙනවා දුක හිතෙන දවස්.. ඉතින් මෙහෙම දුක හිතෙන දවස්වලට අපි මොකද කරන්නෙ කියල බලන්න යමුද??

2020 පෙබරවාරි 21 release වුණු මේ ගීතයේ පද රචනය සඳහා RM දායක වෙනවා.. ඒ වගේම මේ ගීතය 4 වැනි studio album එක වුණු Map of the Soul:7 එකෙන් release වුණා.. මේ ගීතය ගායනයට අපේ Vocal line එක දායක වෙනවා... 

අපි දැන් යමු ගී පද අර්ථයෙන් කියවෙන දේ බලන්න 

සමහර දවස් තියෙනවා හේතුවක් නැතුවම දුක හිතෙන දවස්..සිරුරටත් බර..

මම හැර අන් සැම කාර්යබහුල හා තරඟකාරී වෙන දවස්..

මට තව එක අඩියක්වත් ඉදිරියට තියන්න බැහැ..

දැනටමත් මන් ප්‍රමාදයි වගේ දැනෙනවා.. මුළු ලෝකයම සව්‍යාජයි...

හැමතැනකම speed bumps තියෙනවා...

මගේ හදවත කැබලි වෙනවා.. මගේ වචන දිගටම අතුරුදහන් වෙනවා..

ඇත්තටම ඇයි?? මම උපරිමයෙන් දුවනවා.. මටම ඇයි??? 

ගෙදර එනවා.. ඇඳේ හාන්සි වෙලා හිතනවා.. මගේ වැරැද්දක්ද කියලා..

අවුල් සහගත කාමරයේ.. හදිසියේම වේලාව දිහා බලනවා.. ඉක්මනින් 12 වේවි..

මොනාහරි වෙනසක් සිදු වේවිද?? එහෙම දෙයක් සිදු නොවේවි..

ඒ වුණත් මේ දවස අවසන් වේවි..

පැය කටුව හා මිනිත්තු කටුව එකිනෙක අතිපිහිත වෙනකොට..

ලෝකය පොඩි වෙලාවකට හුස්ම රඳවා ගන්න..Zero O'Clock..

And You gonna Be Happy..

මේ දැන් වැටී ඇති හිම වාගේ..

අපි මුල ඉඳන් හුස්ම ගමු...

And You gonna be Happy..

Turn this all around..

හැමදේම අලුත් Zero O'Clock

හේතුවක් නැතුවම දුක හිතෙන දවස් අනන්තයි අප්‍රමාණයි.. ඔව් ඒ වගේ දවස්වල අපි මොන දේ කරත් වැරදි වෙනවා.. මුළු ලෝකයම මාව ඉස්සර කරන් යන හැඟීම දැනෙනකොට හැමදේ ගැනම දුක හිතෙනවා.. ඒ වගේ දවස්වලට මොන තරම් පොඩි දෙයක් සිද්ධ වුණත් හිත රිදෙනවා වැඩියි.. 

මම උපරිමයෙන්ම දුවනවා.. ඒ වුණත් ඇයි මන් විතරක් මේ එකම තැන කියලා හිතෙනවා නේද?? ඔව් මාත් එහෙම හිතන දවස් තියෙනවා..

එහෙම දවස පුරා මහන්සි වෙලා, දුක් වෙලා ගෙදර එනවා.. ගෙදර ඇවිල්ලා ඇඳේ හාන්සි වෙලා අද දවසේ වුණු ඒ සිදුවීම් ගැන හිතනකොට ම  වේලාව රෑ 12යි.. 

ඉතින් දැන් මේ රෑ 12 වුණා කියලා වෙනසක් සිද්ධ වේවිද??? ඇත්තටම අපිත් එහෙම හිතනවානේ.. අපේ මේ ජීවිතවල මොකක් ම හරි වෙනසක් සිද්ධ වේවි දෝ කියලා හිතනවානේ.. ඒත් ඇත්තටම එහෙම දෙයක් වෙන්නේ නෑනේ.. 

මෙන්න මේ සිතුවිලි ගැන තමයි අපේ BTSලා මේ ලියලා තියෙන්නේ.. 

ඉතින් කිසිම දෙයක් සිද්ධ වෙන්නේ නෑ.. ඒත් මේ දවස නිමා වෙනවා නේද?? ඒ ගැන හිතලා සතුටු වෙන්න.. මේ පැය කටුව හා මිනිත්තු කටුව එකිනෙක ගැටෙන කොට දිගු හුස්මක් ගන්න.. අපි අලුතින් හුස්ම ගනිමු හරියට හිම අලුතින් වැටෙනවා වගේ.. 

මොකද ඊළඟට උදා වෙන්නේ අලුත් දවසක් නිසා.. 

ටිකෙන් ටික rhythm එකෙන් ලිස්සා යනවා..

මට පහසුවෙන් හැඟීම් ප්‍රකාශ කළ නොහැකියි..

හුරුපුරුදු ගී පද නිතරම අමතක වෙනවා..

මගේ හදවතට සමාන දෙයක් වෙන නැත..

මේ හැමදේම අතීතයේ සිදු වූ දේවල්..

මම තනිව මා සමඟ ම කතා කිරීම පහසු නැත..

Is it my Fault??  Is it my Wrong??

පිළිතුරු නැති මගේ ප්‍රතිරාවය පමණි..

ගෙදර එනවා.. ඇඳේ හාන්සි වෙලා හිතනවා.. මගේ වැරැද්දක්ද කියලා..

අවුල් සහගත කාමරයේ.. හදිසියේම වේලාව දිහා බලනවා.. ඉක්මනින් 12 වේවි..

මොනාහරි වෙනසක් සිදු වේවිද?? එහෙම දෙයක් සිදු නොවේවි..

ඒ වුණත් මේ දවස අවසන් වේවි..

පැය කටුව හා මිනිත්තු කටුව එකිනෙක අතිපිහිත වෙනකොට..

ලෝකය පොඩි වෙලාවකට හුස්ම රඳවා ගන්න..Zero O'Clock..

And You gonna Be Happy..

මේ දැන් වැටී ඇති හිම වාගේ..

අපි මුල ඉඳන් හුස්ම ගමු...

And You gonna be Happy..

Turn this all around..

හැමදේම අලුත් Zero O'Clock

අතීතයේ සිදු වූ දේවල්, වැරදි ඒ හැමදේම අතීතයේ වුණු දේවල් විතරයි.. මට මගේ හැඟීම් පහසුවෙන් පෙන්වන්න බෑ.. ඒ නිසාම මම ටිකෙන් ටික rhythm එකෙන් ලිස්සා යනවා.. ඒ කියන්නේ නොගැලපෙන අයගෙන් ඈත් වෙනවා කියන එකයි මෙතන අදහස් කරන්නේ කියලයි මට හිතුනේ.. මොකද මට මගේ අදහස් ප්‍රකාශ කරන්න බැරි නිසා ඒ අය මගෙන් ඈත් වෙනවා... 

ඉතින් මං තනි වෙනවා..

ඒ වගේම නිතරම මම මටම තනියම කතා කරන එක ඇත්තටම පහසු දෙයක් නෙමෙයි.. ඒ කියන්නේ මන් මේ ලෝකෙන් ම තනි වෙලා කියලා දැනෙන හැඟීම පහසු හැඟීමක් නෙමෙයි.. ඉතින් මෙහෙම වෙන එක මගේ වැරැද්දක් ද??? මේ ප්‍රශ්නයට පිළිතුරක් නෑ.. මොකද පිළිතුරු ලබා දෙන්න කවුරුවත් නැති නිසා.. මට ඉන්නේ මන් විතරක් නිසා..

මන් කියන්නේ මට මන් විතරක් ඉන්න එක හොඳටම ඇති.. අපිට නොගැලපෙන අයගෙන් ඈත් වෙලා තනියම ඉන්නවා කියන එක කරන්න ලොකු ශක්තියක් ඕනි.. මොකද අපි එහෙම ජීවත් වෙන්නේ නැති නිසා.. අපි අකමැත්තෙන් වුණත් ලෝකයාට වුවමනා විදිහට ජිවත් වෙන්න හදන එක තමයි කරන්නේ.. ඉතින් ව්‍යංගාර්ථයෙන් මේ ගැනත් අපේ BTSලා ඉදිරිපත් කරනවා කියලා මට හිතුනා.. 

අපිට පුලුවන්නම් ලෝකයාට ඕනි විදිහට නැතුව අපිට ඕනි විදිහට ජිවත් වෙන්න.. අපි කැමති විදිහට ජිවත් වෙන්න.. ආන්න එදාට අපිට හිතේ හැටියට සතුටින් ජීවත් වෙන්න පුළුවන් වේවි.. 

මගේ දෑත් එකතු කර, ප්‍රාර්ථනා කරනවා.. හෙට ටිකක්..

තව වැඩියෙන් හිනාවෙන්න ලැබේවා for Me..

ටිකක් හොඳ වෙන්න for Me..

මේ ගීතය අවසන් වුණොත්, අලුත් ගීතයක් ඇරඹේවී..

තව ටිකක් සතුටුවෙන්න පුළුවන් වෙන්න.. Yeah...

And You gonna be Happy..

මඳ වෙලාවක් හුස්ම රඳවා ගෙන..

අදත් මට තට්ටු කරන්න...

And You gonna be Happy..

Turn this all around..

හැමදේම අලුත් Zero O'Clock

ඉතින් මේ දවස අවසානයේ මගේ දෑත් එකතු කරලා මන් ප්‍රාර්ථනා කරන්නේ අද දවසට වඩා හෙට දවසේ තව ටිකක් වැඩියෙන් හිනා වෙන්න ලැබේවා.. ඒ වගේම හෙට දවස මීට වඩා හොඳ දවසක් වේවා කියලා..

ඔව් එහෙම වේවි.. 

ඒ ගැන තමයි ඊලඟට එයාලා කියන්නේ..

මේ ගීතය අවසන් වුණොත් අලුත් ගීතයක් ආරම්භ වේවි.. ඒ වගේම මේ දවස අවසන් වුණාම අලුත් දවසක් උදා වෙනවා.. 

අපිට ඒ දවසේ තව වැඩිපුර සතුටු වෙන්න හැකියාව ලැබේවි... 

Yes.. You are gonna Be Happy 

මොකද අපේ BTSලා අපි එක්කම ඉන්න නිසා.. 

 ඉතින් මේක තමයි මට දැනුණු BTS Zero O'Clock ගීතයේ අර්ථය.. හුඟ කාලෙකින් ආපු නිසා වැරදි අඩුපාඩු පෙන්නලා දෙන්න කියන එකත් මන් මතක් කරනවා..

අවසානයට කියන්න තියෙන්නේ මේ දවස කොච්චර එපා වුණත් හෙට දවස මීට වඩා හොඳ සුපිරි දවසක් වෙනවා කියන එක අමතක කරන්න එපා.. මොකද හැම දවසක්ම එකවගේ නැති නිසා.. ඒ නිසා මේ ජිවත් වෙන දවස උපරිම මහන්සියෙන් ජිවත් වෙන්න උත්සාහ ගන්න.. 

And don't forget that You are gonna be Happy 

#zege_ami (copied)