Universe💜

My Universe 

MV Explanation and Lyrical Analysis 

බටහිර සංගීතය හා නැගෙනහිර සංගීතය එකට යා කරමින් පොප් සංගීත ලෝකයේ සුපිරි කණ්ඩායම් දිවිත්වයක් වන BTS හා Coldplay එකට එක්ව නිර්මාණය කල My Universe ගීතය පසුගිය 24 වෙනිදා සමාජ මාධ්‍ය ඔස්සේ මුදා හැරියා..එහි නිල මියුසික් විඩියෝව Coldplay නිල You Tube නාලිකාව ඔස්සෙ අද දිනයේදී රසිකයින් වෙත තිලිණ කරන්නට ඔවුන් වග බලා ගත්තා..

මෙම මියුසික් වීඩියෝව හා ගීතය තුල භාවිතා කර ඇති ඉහළ තාක්ශණික උපක්‍රම නිසාම එය රසිකයින් ය වඩාත් සමීප කරන්නට සමත් උනා..මියුසික් වීඩියෝව සිනමාත්මක වර්ණයකින් නිර්මාණය වීමත් එය Hologram තාක්ශණය ඔස්සේ නිර්මාණය කිරීමත් ඒ තුල යොදාගෙන ඇති නිර්මානාත්මක සංකල්පයන්ට වඩාත් සුවිශේශි බවක් එක් උනා..

මියුසික් වීඩියෝව ගැන විමසීමෙදී එහි පසුබිම උදෙසා යොදාගෙන ඇත්තෙ ක්ශිරපතයක්..එකී විශ්වය තුළ සංගීතය තහනම් වූ කාල වකවානුවක එක්තරා රේඩියෝ වැඩසටහනක් ඔස්සේ විශ්වයේ දිශා ත්‍රිත්වයක සිටිනා සංගීතවේදී කණ්ඩායම් තුනක් Hololand ඔස්සේ සම්බන්ධ කර පවත්වන එක්තරා ආකාරයක ප්‍රසංගයක් කතාවක් ආකාරයෙන් දිවෙනවා.."BTS" , "Coldplay" හා ,"Supernova 7" නම් හදුනා නොගත් පිටසක්වල කන්ඩායමක් මේ ප්‍රසංගයට සහභාගී වෙනවා..නමුත් අග භාගයේදී මේ රහස් සංගීත ප්‍රසංගයට සතුරු ආක්‍රමණයක් එල්ල උනත්  ඔවුන්ගේ ගීතය තුල ඇති ප්‍රභල නාද රටාව නිසා සතුරු යානාව විනාශ වී යන ආකාරයක් අවසානයේදී පෙනී යනවා..

මේ සම්පූර්ණ කතාව හා එහි පසුබිම, වර්ණ , ආලෝකරටා , හා ගලා යාම සැලකීමේදී එය හුදෙක් ප්‍රබන්ධයකින් එහා ගිය ව්‍යංගාර්තයක් ගම්‍ය කෙරෙන බව වැටහෙනවා..මගේ දෘශ්ඨිකෝනයට අනුව විනාශවී ජරා ජීර්න වූ පසුබිමෙන් , ලෝකයේ වර්ථමාන තත්වය නිරූපනය වෙනවා..අද වන විට ලෝකයේ සියලුම තැන්වල මිනිස් එක්‍ රැස් වීම් සීමිතයි..එය තරමක තහමක්..එකී තහනම ලෝකයට එල්ල කලේ දරුණු වසංගතයක්..වීඩියෝවේ සතුරු යානයේ රූපය අපට මවන්නේ වෛරසයක හැඩයක්..ඉතින් එවනි යුගයක මේ දැවැන්ත කණ්ඩායම් දිවිත්වයේ එකතුවෙන් නිර්මාය වූ සංගීතය , සතුරාට පරාජය නොවී ඉදිරියට යන හැටි දැක්වෙනවා..මෙය BTS ඉදිරි ප්‍රසංග මාලාව පිලිබදව කෙරෙන අනාවැකියක් ද විය හැකියි..

Supernova 7 හදුනානොගත් පිටසක්වල කණ්ඩායම ගැන බලද්දි එහි සාමාජිකයින් සත් දෙනා සැදුම්ලත් ආකාරය යම් කිසි කුතුහලයක් ගෙන එනවා..එහි පළමු සාමජිකයා Kasio Mars , ඔහු කන්ඩායම් නායකයා ලෙස හිතන්නට පුලුවන්..වරෙක ගායනා කරමින් වරෙක සංගීත භාන්ඩ වාදනය කරමින් සිටිනා අයෙක්..දෙවැන්නා Angel Moon , ඇය ඉතා උනන්දුවෙන් හා කැපවීමකින් ගායනයේ යෙදෙනවා..ඊලගට Eko , ඔහු වරෙක ගායනා කරමින් වරෙක Electric piano වක් වාදනය කරමින් ඉතා නිහඩව සිය වගකීම ඉටු කරනවා..ඊලගට blaze , ඉතා වර්නවත් පෙනුමක් හිමි ඔහු ගානයන කරමින් ඉතාම කඩිසරෙන් නර්තනයේ යෙදෙනවා..ඊලගට loop සහ Switch , එක ලගම හිදිමින් වටේම දුවමින් වාදනය කරන දෙන්නෙක්..බැලූ බැල්මට මිතුරන් ලෙස සිතිය හැකියි..අවසානයේ Dorean නම් ඩ්‍රම් වාදකයා..ඔහු ඉතා ශක්තිමත් වගේම නිම වී තිබෙන්නේ විවිධ දෑවලින්..එයි ඔහු තුල ඇති විවිධාකාර හැකියාවම් පෙනෙන්වා.(Supernova 7 නම් @coldplayXre twitter හි හදුන්වා දී තිබේ).මේ කන්ඩායමෙන් ඔයාට හුරුපුරුදු ගතියක් දැනුනද?

ඉතින් මේ මියුසික් වීඩියෝව නරඹන ඕනෑම අයෙක්ට ඇතිවන කුතුහලය වෙන්නෙ එහි පද හා වීඩියෝව අතර ඇති පරස්පරයයි...මොකද ගායකයින්ට අනුව ගීතයේ පද වලින් කියවෙන්නේ "නොගැලපේ යැයි ලෝකය හංවඩු ගැසූ ආදර කතා" ගැනයි..ඒ ගැන පද කියවනා ඕනෑම කෙනෙක්ට වැටහෙන දෙයක්.. ලෝකෙන් ඍනාත්මක ආකල්ප සපයන විට නොගැලපීන් ගලපගන්නට තැත් කරන ආදරවන්තයින් ගීතයෙන් සිහිපත් කරනවා..ගීතයේ ගී තනුව තුලින්ද ගීතයට සපයන්නෙ ඉතාම ධනාත්මක සිතුවිල්ලක්..

නමුත් මං කැමතියි ගීතයට වෙනස්ම අර්ථකථනයක් දෙන්න..මෙය හුදෙක් මගේ රසවින්දනය මත ගොඩ නැගූ මගේ විචාර්ත්මක රසවින්දයක් වන අතර ඔබට එය එසේ නොදැනෙන්නට පුලුවන්..

ගීතයේ පද  - 

"ඔයා මගේ විශ්වයයි

ඒ වගේම මට ඕනේ ඔයාට මුල් තැන දෙන්න"

"රාත්‍රියේ දිගා වී මා ඔබ දෙස බලමි

උදෑසන පැමිණි විට ඔබ නැගී එන  අයුරු මම බලා සිටිමි

අල්ලා ගැනීමට නොහැකි වූ පාරාදීසයක් ,

ඒ දීප්තිමත් අනන්තය ඔබේ දෑස් තුලින් පෙනේ"

ගීතය ආරම්භ වෙන්නෙ ගායකයා තුල යමෙක් හෝ යමක් වෙනුවෙන් ඇති අසීමිත ලෙන්ගතු බව ප්‍රකට කරමින්..එය පුද්ගලයෙක් ලෙස නොසිතා "සංගීතය" නම් විශ්වය ලෙස සිතුවොත් , සංගීත ලෝකය තුල නොගැලපීම් , වෙනස් කම් කොසිවක් නැහැ..එය විශ්ව භාශාවක්..ඉතින් මේ ගායකයාටත් අවශ්‍ය අල්ලා ගැනීමට නොහැකි වූ , තමාගෙන් ඈත්වී තිබෙන සංගීත ලෝකට ප්‍රවිශ්ට විමටයි..නමුත් ඔහු  ඔහේ බිම දිගා වෙලා අර නොගැලපීම් දිහා බලන් ඉන්නවා..මෙය හුදෙක් ලොව පුරා විසිර සිටිනා ගායකයින් ට කෙරෙන ආරාධනාවක් වැනියි.

"මම සෑම රාත්‍රියකම ඔබ වෙත පියාසර කරමි

එය සිහිනයක්ම පමණක් බව අමතක කරමි

සිනහවකින් මම ඔබව හමුවෙමි

කිසි දෙයක අවසානයක් නැහැ.."

ඒ සංගීත ලෝකය පිවිසීම හා එහි ජීවත් වීම තරමක අසීරි සිහිනයක්..නමුත් කිසිම දෙයක අවසානයක් නැහැ..ඒ වගේම මේ සංගීත විශ්වය කිසිදා අවසන් වෙන්නේ නැහැ..

"දිගු සෙවනැල්ලක් තුල ,

අන්ධකාරය මට වඩාත් පහසු විය

ඒ වගේම ඔවුන් කිව්වා අපිට එකට ඉන්න බැහැ කියලා

මොකද, අපි විවිධ පැති වලින් එන නිසා"

ලෝකෙ විවිධ පැතිවල , විවිධ භාශාවල් කතා කරන ,විවිධ ආගම් අදහන , විවිධාකාර මිනිස්සු හිතන්නෙ සංගීත ලෝකය ඒ බෙදීම් වගේ බෙදෙන්න ඕන කියල..ඔවුන් ඒ අන්ධකාර සිතුවිල්ලෙ හිරවෙලා ඉන්නවා..

"මාව ආලෝකමත් කරන දේ ,

ඒ ඔබේ ආදරෙන් එම්බ්‍රොයිඩ් වූ තාරකාවයි

ඔබ මගේ විශ්වයේ

මට වෙන ලෝකයක් හදන්න"

"ඔබ මගේ තාරකාවයි  , මගේ විශ්වයයි

සියල්ලට පසු, මේ දුෂ්කරතාවයන් ඉතා කෙටියි

ඔබ දැන් මෙන් සැමවිටම දීප්තිමත් ලෙස බැබලෙන්න 

මෙම දිගු රාත්‍රිය පුරාම අපි පසුපස ගමන් කරන්නම්"

නමුත් ඔවුන් අමතක කල දේ ඔවුන් ව ආලෝකමත් වෙන්නෙ ඒ සංගීතය නැමති තාරකාව නිසයි..ඉතින් මේ ගීතයෙන් ඒ විසිරී පැතිරී ඉන්න ගායකයින් වෙනුවෙන් වෙනමම සංගීත විශ්වයක් මවනවා..කොයි තරම් දුශ්කර උනත් , ඒ කෙටි කාලයයි..නමුත් ඔවුන් සංගීතය පසුපස හබායාම නතර කරන්නෙ නම් නෑ..

ශෙහා 💜️